ԲԱՌԱԴԱՐԱՆ

 

ԽԱՂԻ ԿԱՆՈՆՆԵՐԸ

 

ՏԱՐԻՔԱՅԻՆ ԽՈՒՄԲԸ` 8 տարեկան և բարձր

ԽԱՂԱՑՈՂՆԵՐԻ ԹՒՎԸ` 1- 8

ՆՊԱՏԱԿԸ

Խաղացողների նպատակն է հավաքել ամենաշատ միավորները` բառեր կազմելով ձեռքում եղած խաղաքարտերի միջոցով:

ՏՐՑԱԿԸ

Տրցակը բաղկացած է 161 խաղաքարտերից` ներառյալ հայոց այբուբենի Ա-ից Ֆ տառերը պարունակող և հատուկ զույգ տառերը (ԱՆ, ԱՊ, ԱՏ, ԴԺ, ԵՂ և ԻՆ) պարունակող քարտերը: Յուրաքանչյուր խաղաքարտի վրա նշված է իր համար սահմանված միավորը:

ԽԱՂԱՔԱՐՏԵՐԸ ԲԱԺԱՆԵԼՈՒ ԿԱՐԳԸ

Մինչև բոլոր խաղացողներին խաղաքարտեր բաժանելը դրանք պետք է լավ խառնվեն: Խաղի առաջին շրջանի ժամանակ, ժամացույցի սլաքի ուղղությամբ, բոլոր խաղացողներին պետք է բաժանել 3-ական խաղաքարտ` դրանք խաղացողներին տալով մեկ առ մեկ: Ամեն հաջորդ շրջանի ժամանակ, յուրաքանչյուր խաղացողի պետք է բաժանել 1-ական ավել խաղաքարտ: Այսինքն,  երկրորդ շրջանի ժամանակ խաղացողներին պետք է բաժանել 4-ական, երրորդ շրջանի ժամանակ` 5-ական խաղաքարտ և այդպես շարունակ: Խաղի վերջին շրջանի ժամանակ բոլոր խաղացողներին պետք է բաժանել 10-ական խաղաքարտ: Ամբողջական խաղը պետք է բաղկացած լինի ութ շրջանից:

 Խաղի յուրաքանչյուր շրջանից հետո մնացած քարտերը պետք է դնել կենտրոնում, որը և կհանդիսանա ՔԱՇԵԼՈՒ համար նախատեսված խաղաքարտերի տրցակը: Այդ տրցակի ամենավերևի խաղաքարտը պետք է շրջել և դնել դրա կողքին` ինչն էլ կդառնա ՆԵՏԵԼՈՒ համար նախատեսված խաղաքարտերի տրցակի առաջին քարտը:

 ԽԱՂԻ ԸՆԹԱՑՔԸ 

1.        Խաղը սկսում է խաղաքարտերը բաժանողի ձախ կողմում նստած խաղացողը:

2.        Խաղը պետք է ընթանա ժամացույցի սլաքի ուղղությամբ:

3.        Յուրաքանչյուր խաղացող, իր հերթի ժամանակ, պետք է ՔԱՇԵԼՈՒ խաղաքարտերի տրցակի վրայից քաշի մեկ խաղաքարտ կամ` ՆԵՏԵԼՈՒ խաղաքարտերի տրցակից վերցնի ամենավերևի նետված խաղաքարտը, այնուհետև պետք  է իր ձեռքում եղած խաղաքարտերի միջից սեղանին (ՆԵՏԵԼՈՒ խաղաքարտերի տրցակի վրա) նետի մեկ խաղաքարտ` ավարտելով իր հերթը:

4.     Խաղացողը կարող է խաղաքարտերը դնել սեղանի վրա միայն իր խաղաքարտերը բացելուց հետո (տես` ստորև), կամ այն բանից հետո, երբ մեկ ուրիշ խաղացող կբացի իր խաղաքարտերը, սակայն նա դա կարող է անել միայն իր հերթի ժամանակ:

5.        Երբ խաղացողներից մեկն արդեն ցանկանում է բացել իր խաղաքարտերը, մյուս բոլոր խաղացողները իրենց հերթերի ժամանակ խաղում են ընդամենը մեկ` վերջին անգամ` խաղաքարտ վերցնելով ՆԵՏԵԼՈՒ կամ ՔԱՇԵԼՈՒ տրցակի վրայից: Իր խաղաքարտերը բացել ցանկացող խաղացողն, այնուհետև, պետք է սեղանին նետի մեկ խաղաքարտ և ցույց տա իր կազմած բառերը:

6.        Տվյալ խաղացողի հավաքած միավորները կհաշվվեն` բառեր կազմելու համար օգտագործված խաղաքարտերի վրա նշված թվերն իրար գումարելով: Չօգտագործված խաղաքարտերի վրա նշված միավորները հանվում են հավաքված ընդհանուր միավորների թվից:

7.        Խաղացողը չի կարող միավորներ հավաքել մեկ ուրիշ խաղացողի կազմած նույն բառ(եր)ից: Եթե համընկել է և 2 կամ ավելի խաղացող կազմել են միևույն բառը, ապա միավորները գրանցվում են այդ բառը առաջինը բացող խաղացողի օգտին: Իսկ մյուս խաղացող(ներ)ը պետք է փորձեն կազմել մեկ ուրիշ բառ և սպասել իրենց հերթին այն բացելու համար:

8.        Միավորները հաշվող մասնակիցը գրանցում է բոլոր խաղացողների հավաքած միավորները և հաշվում նրանց հավաքած ընդհանուր միավորները:

9.        Խաղի նոր շրջանը սկսում է խաղաքարտերը բաժանողի ձախ կողմում նստած խաղացողը: Բաժանվում են խաղաքարտեր հաջորդ շրջանի համար և այդպես շարունակ` մինչև ութերորդ շրջանը, երբ խաղացողներին բաժանվում է 10-ական խաղաքարտ:

10.     Հաղթում է այն խաղացողը, որը ութ խաղաշրջանների արդյունքում հավաքում է առավելագույն թվով միավորներ:

 ԽԱՂԱՔԱՐՏԵՐԻ ԲԱՑՈՒՄ

1.        Խաղացողը կարող է բացել խաղաքարտերը միայն իր հերթի ժամանակ:

2.        Խաղաքարտերը առաջինը բացող խաղացողը ինքն է ընտրում խաղաքարտերը բացելու պահը:

3.        Խաղաքարտերը բացելու համար, խաղացողը պետք է կարողանա դասավորել իր ձեռքի բոլոր քարտերն այնպես, որ 2 և/ կամ ավելի խաղաքարտերվ կազմվեն բառեր` թողնելով մեկ չօգտագործված խաղաքարտ նետելու համար: Խաղաքարտերը բացող մասնակիցը բացում և սեղանին է դնում խաղաքարտերից կազմված բառերը (եթե կան այդպիսիք) և ՆԵՏԵԼՈՒ տրցակի վրա է դնում նետման համար թողնված մեկ ավելորդ քարտը:

 ԲՈՂՈՔԱՐԿՈՒՄ

Եթե խաղացողներից որևէ մեկը գտնում է, որ կազմված բառերից որևիցե մեկը չի բավարարում թույլատրելի բառերի համար սահմանված պայմաններին, ապա նա կարող է բողոքարկել այդ բառը` բառարանի օգնությամբ այն ստուգելով: Եթե բողոքարկված բառը առկա է նախապես ընտրված բառարանում և պատկանում է թույլատրելի բառերի խմբին, ապա այդ բառը բողոքարկողի հաշվից հանվում է տվյալ բառի միավորների գումարը: Եթե բողոքարկվող բառը չկա բառարանում, ապա այդ բառի միավորների գումարը հանվում է տվյալ բառը կազմողի հաշվից: Բացի այդ, չի թույլատրվում նոր կամ այլ բառեր կազմել այդ տառերից:

 ԹՈՒՅԼԱՏՐԵԼԻ ԲԱՌԵՐ

Խաղը սկսելուց առաջ անհրաժեշտ է ընտրել հաոց լեզվի որևէ բառարան` խաղի ընթացքում դրանով առաջնորդվելու համար: Խաղացողները կարող են բառարանից օգտվել բողոքարկման և  ոչ իրենց հերթի ժամանակ: Կազմված բառերը չպետք է լինեն հատուկ անուններ, նախածանցներ, վերջածանցներ, հապավումներ և գծիկով գրվող բառեր: Մնացած բոլոր բառերը համարվոմ են թույլատրելի բառեր: Բոլոր բառերը պետք է կազմված լինեն առնվազն երկու խաղաքարտերից:

 ՄԻԱՎՈՐՆԵՐԻ ՀԱՇՎՈՒՄ ԵՎ ԲՈՆՈՒՍՆԵՐ

1.        Յուրաքանչյուր խաղաքարտի արժեքը որոշվում է դրա վրա նշված թվով` միավորով:

2.        Յուրաքանչյուր շրջանում թույլատրելի բառերի վերածված խաղաքարտերի վրա նշված միավորները գումարվում և գրանցվում են խաղացողի օգտին, իսկ չօգտագործված խաղաքարտերի արժեքը հանվում է խաղացողի ընդհանուր միավորներից:

3.        Յուրաքանչյուր շրջանի ավարտից հետո խաղացողները կարող են ստանալ երկու տեսակի բոնուս`

§   Ամենաշատ թվով  բառեր կազմելու համար`10 միավոր և

§   Ամենաերկար բառը կազմելու համար`10 միավոր:

4.        Ամենաերկար բառի համար տրվող բոնուսը ստանում է այն խաղացողը, որի կազմած բառը պարունակում է ամենաշատ թվով տառերը (ԵՎ տառը հաշվվում է որպես մեկ տառ), այլ ոչ թե` ամենաշատ թվով խաղաքարտերը:

5.        Հնարավոր է, որ երկու բոնուսներին են էլ արժանանա միևնույն խաղացողըJ:

6.        Եթե նույն բոնուսին հավակնում են մեկից ավելի խաղացողներ, ապա նրանցից ոչ մեկը չի ստանում այդ բոնուսըL:

 ՏԱՌԵՐԻ ՀԱՃԱԽԱԿԱՆՈՒԹՅՈՒՆԸ

Խաղաքարտերի ընդհանուր տրցակում տառերը և տառային զույգերը կրկնվում են հետևյալ հաճախականությամբ.

 

Ա`10	Ը` 3	Կ`6	Ն` 8	Ս` 5	Ք` 4	ԱՆ` 2
Բ` 2	Թ` 4	Հ` 5	Շ` 2	Վ` 5	ԵՎ`2	ԱՊ` 2
Գ` 3	Ժ` 2	Ձ` 2	Ո` 5	Տ` 6	Օ` 2	ԱՏ` 2
Դ` 3	Ի` 7	Ղ` 2	Չ` 2	Ր`8	Ֆ` 2	ԴԺ` 2
Ե` 7	Լ` 4	Ճ` 2	Պ` 3	Ց` 4		ԵՂ` 2
Զ` 2	Խ`2	Մ`6	Ջ` 2	ՈՒ`5		ԻՆ` 2
Է`2	Ծ` 2	Յ` 4	Ռ` 2	Փ` 2

 

 

ՄԵՆԱԽԱՂԻ ՏԱՐԲԵՐԱԿ

Եթե ցանկանում եք «ԲԱՌԱԴԱՐԱՆ» խաղը խաղալ միայնակ, ապա.

·          Բաժանեք 5 քարտից բաղկացած խաղաքարտերի 8 տրցակ` դիմային մասը ներքև: Բոլոր տրցակների վրա դրեք 1-ական խաղաքարտ` դիմային մասը դեպի վեր: Այսպիսով, խաղի մեջ կլինի 45 խաղաքարտ:

·          Բաց քարտերով կազմեք բառեր և հեռացրեք այդ քարտերը: Շրջեք վերևի քարտերը այն տրցակների վրայից, որոնց վրայից հեռացվել են քարտեր:

·          Երբ տրցակներից որևէ մեկի բոլոր խաղաքարտերն օգտագործվեն, կարող եք ազատված հատված տեղափոխել մեկ այլ տրցակի վրայի բաց քարտը, որպեսզի տրցակների քանակը կրկին հավասարվի ութի:

·          Շարունակեք բացված քարտերով կազմել հնարավորինս շատ բառեր:

Խաղացողը հաղթում է, եթե բաժանված 45 խաղաքարտերից առնվազն 43-ով կարողանում է կազմել բառեր: Թույլատրելի բառերի համար գործում են վերոնշյալ նույն պայմանները:

«ԲԱՌԱԴԱՐԱՆ» խաղի սիրելի մասնակիցներ,

Հուսով ենք, որ դուք մեծ բավականություն կստանաք այս խաղից, կկազմեք և կսովորեք հայերեն նոր բառեր, խաղի միջոցով կստուգեք հայոց լեզվի բառակազմության և ուղղագրության ձեր գիտելիքները`

 ամրապնդելով, բարելավելով և հարստացնելով հայերենի ձեր բառապաշարը:

 

ՄԱՂԹՈՒՄ ԵՆՔ ՀԱՋՈՂՈՒԹՅՈՒՆ ԵՎ ՀԱՃԵԼԻ ԺԱՄԱՆՑ

 

Սովորեք խաղալով և սպասեք նոր ու էլ ավելի հետաքրքիր ուսուցողական խաղերի

Սիրով` www.ArmGames.am